२०७९ सालको जेठ अर्थात स्प्रिङमा गरिने सगरमाथा आरोहणका लागि मार्ग निर्माण कार्य शूरु भएको छ । शुक्रबार मार्ग निर्माण पहिलो क्याम्पसम्म निर्माण सम्पन्न भएको छ । आइसफल डाक्टरहरुको टोलीले आरोहणको अप्ठ्यारो मार्ग मानिने खुम्बु आइसफलमा भर्याङ र डोरी टाँगेर पहिलो क्याम्पसम्म पुर्याएको छ ।

आधारशिविर देखि छ हजार दुई सय

मिटरको दोस्रो क्याम्पसम्म बाटो बनाउन निजी संस्था सगरमाथा प्रदूषण नियन्त्रण समिति सोलुखुम्बुले जिम्मा लिएको छ । हिउँको जंगलको नामले चिनिने खुम्बु आइसफलमा सात मिटर लामो चार देखि छ वटासम्म भर्याङ जोडेर बाटो बनाउनु पर्ने आइसफल डाक्टरहरुले जनाएको छ ।

गतवर्षहरुमा ४० देखि ५० वटासम्म भर्याङ प्रयोग हुँदै आएपनि यस वर्षभने ७० वटासम्म लाग्न सक्ने भन्दै संस्थाले तयारी गरेको जनाएको छ । खुम्बु आइसफल हुँदै सगरमाथा, ल्होत्से र नुप्से हिमाल आरोहण हुने गर्दछ ।

संस्थाले अप्रिलको पहिलो सातासम्ममा दोस्रो क्याम्पसम्म बाटो निर्माणसम्पन्न गरिसक्ने जनाएको छ । यी हिमालहरु आरोहणका लागि आउने आरोहीसँग प्रतिव्यक्ति सगरमाथा प्रदूषण नियन्त्रण समितिले छ सय डलर र आरोहण सञ्चालक संघले दुई सय डलर गरी आठ सय डलर असुल गर्दै आएका छन् ।

एक सय ४२ जना हिमालको आरोहण गर्दै
यस वर्षको आरोहणका लागि १४१ जना आरोहीले

हिमाल आरोहणका लागि पर्यटन विभागबाट अनुमती लिएका छन् । विभागले जारी गरेको सूचना अनुसार यी मध्ये सगरमाथा सहित ११ वटा हिमाल आरोहण गर्न १९ वटा आरोहणदलबाट अनुमती लिएको हो ।

आरोहण शुल्क बापत विभागले चार करोड ५१ लाख ९२ हजार ९० रुपैयाँ राजश्व समेत संकलन गरेको छ ।